17.03.2015 Скопје
На ден 17.03.2015 година во просториите на Општина Гази Баба, Синдикатот на администрација и државна управа продолжи со имплементација на Планот и програмата за работа на САДУ за 2015 година и се одржа втората работилница на тема ,,Улогата на жената во синдикалното движење”, заедно со професорот д-р Лазар Јовевски, доцент на Правниот факултет ,,Јустинијан Први,, во Скопје. На оваа работилница беа опфатени прашања кои се однесуваат на жената како дел од пазарот на трудот, почнувајќи од развојот на женскиот труд низ историјата, првите законски одредби, социјални права до жените на пазарот на трудот денес и нивната економска положба на национално и на глобално ниво.
Беа опфатени проблематичните полиња во доменот на женскиот труд, разликата во платите помеѓу мажите и жените, различни професии и стапката на вработеност на жените, се истакна и прашањето за еднаквоста во членувањето и делувањето на жените во синдикалното движење. По завршувањето на предвидената работилница се пристапи кон одржување на седница со цел формирање на Секцијата на жени, која ја отвори Претседателот и потесното раководство на САДУ. По верификација на присутните членови на седницата, беше усвоен Правилникот за работа на Секцијата на жени. За Претседател на Секцијата на жени избрана е Лидија Кирјазовски од Синдикалната организација СОКС. На седницата е формирано и Претседателството на Секцијата на жени кое го сочинуваат:
Лидија Кирјазовски;
Сунчица Русеска;
Сузана Поповска;
Мимица Вељановска;
Александра Аврамовска;
Марија Гоцева;
Марче Каровска.
Согласно Правилникот за работа дел од основните цели и задачи на Секцијата на жени се: – запознавање на јавноста со специфичните проблеми на жените; – афирмирање на синдикатот меѓу жените и поттикнување на жените да пристапат кон синдикатот; – организирање на културни, спортски и други активности на жените работници; – едукација и оспособување на жените за успешно делување во синдикатот; – соработка со други синдикални организации во земјата и надвор од неа;
