Саду како грански синдикат кој е дел од Конфедерацијата на слободни синдикати на Македонија излезе и ја даде својата поддржка за исполнување на барањата кои со месеци претходно беа јавно искажувани и доставувани до Владата и соодветните ресорни Министерства на Република Македонија.
Барањата кои се:
– Веднаш да престанат притисоците врз вработените во јавниот сектор, а особено притисоците врз синдикалните претставници и обидот за загушување на синдикалното движење.
– Веднаш да се пристапи кон усогласување на платите во јавниот сектор согласно зголемувањето на минималната плата од Октомври 2017 година.
– Веднаш да започнат преговори за зголемување на платите во јавниот сектор без дискриминација на одредени дејности.
– Веднаш да започнат преговори за измена и дополнување на Општиот колективен договор за јавниот сектор со цел подигнување на работничките права во делот на минат труд, правото на регрес за годишен одмор и породилното отуство.
– Задолжително да се усогласуваат барањата за платите во јавниот сектор помеѓу репрезентативните синдикати и Владата, пред секое планирање на Буџетот на Р.Македонија, беа повторени и пред Владата на Р. Македонија и беше нагласено дека синдикатот стои на своите барања се до нивно исполнување.
По одржаната средба на КСС со владини претставници, ден пред протестот, беше дадено ветување дека овие барања ќе бидат разгледани и дека ќе се направат соодветни пресметки за истите.
Претседателот на КСС кој е воедно и Претседател на САДУ истакна дека постои цврста решеност да се постигне подигнување на стандардот на работниците во Република Македонија и ги повика сите оние кои веруваат во искрените намери на синдикатот да се приклучат во борбата за подобар статур на работникот, бидејќи заедно сме посилни.
