Во рамките на проектот ,,Поттикнување на активно учество на синдикатите од јавен сектор во процесот на донесување одлуки“ на 19.10.2017 година во х.Стоун Бруџ, Скопје, САДУ одржа национална работилница за членови на САДУ на која беа офатени прашања за Европските директиви кои се однесуваат на информирање, консултирање и вклучување на работниците, како тие се применуваат во другите земји и каква е обврската на Р.Македонија во процесот на усогласување на нашето законодавство со законодавството на ЕУ.
Исто така на оваа работилница се дискутираше и за вклучувањето на работниците во однос на правата на работниците, односно како се вклучени синдикатите во однос на преговарање на правата на работниците на ниво на фирма, на ниво на сектор/гранка и на национално ниво.
Присутните членови на работилницата ги детектираа и главните проблеми и даваа предлози за понатамошно надминување на проблемите со кои се соочуваат претставниците на синдикатите со цел нивно поголемо и поактивно вклучување во процесот на информирање, консултација и учество.
Детектираните проблеми и анализи кои произлегоа од оваа национална работилница ќе бидат презентирани на интернационалниот семинар кој ќе се одржи во Малага, Шпанија на која ќе присуствуваат претставници од синдикатите од Полска, Шпанија, Србија, Романија, Македонија, Бугарија и Литванија.
